عقبة الناعم: خبرات وطنية!

ربما تحتوي الصورة على: ‏‏‏عقبة الناعم‏‏، ‏‏‏وقوف‏ و‏بدلة‏‏‏‏انا ما بعرف شو التأثير السحري لعبارة "بخبرات وطنية" عند مسؤولينا...! ولا بعرف لمين موجهة...؟ يعني موجهة إلنا نحن المواطنين اللي تم تصنيعنا بخبرات وطنية ولا موجهة للجهات العليا...؟ كمان ما بعرف... المهم كلما بدو يتبروظ مسؤول بأي إنجاز بيقول إنو عملناه "بخبرات وطنية"... ولما بسمع هالعبارة ما بعرف ليش بشم وراها ريحة فاسدة... أنا حابب بس قول للمسؤولين إنو العشوائيات بسوريا هي أكبر إنجاز للخبرات الوطنية... والشوارع الضيقة اللي ما بتتسع لسيارتين كمان تم إنجازها بخبرات وطنية... والمدارس اللي الطالب ما الو نفس يفوت عليها وريحة حماماتها بتقرف وبتمرض كمان إنجزت بخبرات وطنية... وجامعاتنا العريقة وعلى رأسها جامعة دمشق صار الطالب بيتعلم وبينجح فيها بفضل نوتات وملخصات نفق الآداب كمان وصلت لهون بخبرات وطنية... وجيل الشباب اللي ضايع ومانو عرفان شو بدو يعمل كمان هادا أنجز بخبرات وطنية... وانتشار الفكر التكفيري والفاشية الدينية بين السوريين ابتداء من الأخوان المسلمين مرورا بداعش وصولا إلى جيش الخليفة العصملي أردوغان بين السوريين كمان كان وراه خبرات وطنية...
هروب الكفاءات العلمية والإيداعية من البلد كان وراها كفاءات وطنية... هروب رؤوس الأموال من الفساد والمحاصصات كمان كان وراها خبرات وطنية...
بيكفي هيك ولا نكمل حكي عن الخبرات الوطنية...؟

عدد الزيارات
16255341

Please publish modules in offcanvas position.